Ganesh Festival 2025 : शहरातील पिंप्राळा परिसरातील गणपती नगरात गणेशोत्सव मोठ्या उत्साहात साजरा होत आहे. या निमित्त मोरया गणेश मंडळात विविध कार्यक्रमांचे आयोजन करण्यात आले असून दि. 31 ऑगस्ट रोजी दांडीयाची रास रंगली. यावेळी परिसरातील महिलांनी दांडीयात उत्स्फूर्त सहभाग नोंदविला.
गणपती नगर, पिंप्राळा येथील मोरया गणेश मंडळात गणेश चतुर्थीनिमित्त दि. 27 रोजी मंडळाचे कार्यकर्ते भुषण भालेराव यांनी सपत्नीक गणपतीची स्थापना केली. गणेशोत्सवानिमित्त मंडळात विविध धार्मिक कार्यक्रासह सांस्कृतिक कार्यक्रम पार पडत आहे. त्यातच दि. 31 ऑगस्ट रोजी दांडीया रास रंगली. यात परिसरातील महिलांनी व तरुणींनी उत्स्फूर्त सहभाग नोंदवित गणेशोत्सवात दांडीयाचा आनंद लुटला. कार्यक्रमाच्या यशस्वीतेसाठी अमोल सोनवणे, शिवम पाटील, सचिन भालेराव, भुषण भालेराव, अनुराग महाजन, मोहीत बारी, नागराज पाटील, विकास चव्हण, भावेश माळी, अक्षय भालेराव, तेजस पाटील, अक्षय महाजन, ऋषीकेष बारी, रोहीत मडगे, ईशान रुल्हे आदींनी परिश्रम घेतले.
