Bhusawal Accident News : भुसावळातील जळगाव रोडवरील कुंभारवाड्याजवळील गायत्री पान सेंटरजवळ ट्रक आणि दुचाकीचा भिषण अपघात झाला आहे. या अपघातात दुचाकीस्वार ठार झाल्याची घटना घडली आहे. या प्रकरणी ट्रक चालकाविरुद्ध गुन्हा दाखल करण्यात आला असल्याची माहीती दि. १६ ऑक्टोबर रोजी शहर पोलीस स्टेशनतर्फे देण्यात आली.
याबाबत पोलिसांकडून मिळालेल्या माहितीनुसार, दिपक करोले असे मयताचे नाव असून ते दि. 14 ऑक्टोबर 2025 रोजी रात्री 8 वाजून 25 मिनिटांच्या सुमारास आपल्या मोटारसायकल क्रमांक एम.एच. 19 बी.डब्ल्यू 3332 ने शहरातील सातारा परिसरातील जळगाव रोडवरुन कुंभारवाड्याकडे जात होते. दरम्यान, त्यांना गायत्री पान सेंटरजवळ मागून येणाऱ्या ट्रक क्रमांक एम.पी. 68 झेड.डी. 3514 ने मागून धडक दिली. या अपघातात दिपक करोले गंभीर जखमी होत त्यांचा मृत्यू झाला. या प्रकरणी धनराज सोनवणे यांनी फिर्याद दिल्याने मध्य प्रदेशातील हमिपूरा, बऱ्हाणपूर येथील रहिवासी ट्रक चालक वसिम खान मेहमूद खान याच्याविरुद्ध गुन्हा दाखल करण्यात आला आहे. पुढील तपास पोलिस उपनिरिक्षक अनिल सुरवाडे करीत आहे.
दुचाकील बसची धडक, एक गंभीर जखमी
तर दुसऱ्या घटनेत जामनेर-बोदवड रोडवर दुचाकीला बसने धडक दिल्याची घटना घडली आहे. या प्रकरणी बस चलकाविरुद्ध गुन्हा दाखल करण्यात आला असल्याची जामनेर पोलीस स्टेशनतर्फे देण्यात आली.
दिलीप पारधी असे अपघातातील जखमींचे नाव असून ते त्यांची दुचाकी क्रं. एम.एच. 19 ई.एन. 1976 ने जामनेर -बोदवड रोडवर वाडी फाट्याजवळ रोड क्रॉस करत असताना बोदवडकडून जामनेकडे जाणारी बस क्रं. एम.एच. 20 बी.एल. 4132 ने दिलीप पारधी यांच्या दुचाकीला धडक दिली. या अपघातात दिलीप पारधी याच्या उजव्या पायाला गंभीर दुखापत झाली आहे. या प्रकरणी जखमी यांची पत्नी भारती पारधी यांनी फिर्याद दिल्याने बस चालक समाधान माळी याच्याविरुद्ध गुन्हा दाखल करण्यात आला आहे. या प्रकरणी पुढील तपास पोलीस हेड कॉन्स्टेबल संजय खंडारे करीत आहे.
